UMSITINGIN
Tú ert her: UMSITINGIN << - STARVSLÝSINGAR
Tvørávegur 37
Postboks 80
800 Tvøroyri
Tlf. 611085
tvoroyri@tvoroyri.fo
09-05-2019

Avloysari til spælistovuna

Søkt verður eftir avloysarum til Spælistovuna /Gestarøkt í Kommunalu dagrøktini í Tvøroyrar kommunu.

 

Vit hava tørv á avloysarum sum kunnu traðka til, tá dagrøktarir hava frí ella feriu, og tá sjúka er. Tað er í hesum ógvuliga umráðandi, at avloysarin er tøkur tá tørvur er á tí.

Niðanfyri er gjølla lýst hvat fyri førleikakrøv vit seta viðkomandi og hvussu dagrøktarskipanin er uppbygd.

 

 

Um starvið

 

Sum avloysari ansar tú børnum í spælistovuni ella gestarøktarstovuni í dagrøktini. Uppgávan er at geva børnunum ein tryggan og mennandi gerandisdag, við t.d at stimbra teirra hugflog og menna teirra sosialu førleikar ígøgnum spæl og samspæl við onnur. Vit leggja stóran dent á tað rørsluliga í tí dagliga, tí tað er har grundarsteinurin fyri menning verður lagdur.

 

Førleikakrøv

 

Vit leggja stóran dent á teir persónligu eginleikarnar hjá tí sum settur verður sum avloysari fyri dagrøktara. Tú skalt hava hegni og hugflog at arbeiða við menningini hjá tí einstaka barninum, sum skal byggjast á heildarfatanina hjá barninum, har umsorgan, spæl og mentan eru ein heild.

 

·         Tað er ein fyrimunur, um tú hevur royndir innan barnaansingarøkið

·         At tú tekur ábyrgd og kanst arbeiða sjálvstøðugt og í toymum.

·         At tú vísir virðing fyri børnunum, foreldrum og starvsfeløgum.

·         At tú ert álítandi og hevur góð samstarvsevnir.

·         At tú ert tolin og vísur umsorgan.

·         At tú megnar at geva børnunum ein mennandi og áhugaverdan gerandisdag.

·         At tú dugir at síggja møguleikar heldur enn forðingar.

·         At tú megnar at lesa og viðgerða námsfrøðiligt tilfar

·         At tú hevur eitt roykfrítt og allergivinarligt heim.

 




Vit bjóða

 

·         Eitt spennandi og sjálvstøðugt arbeiði.

·         Eitt áhugavert og lívsjáttandi starv, har tú í stóran mun leggur arbeiðsdagin til rættis.

·         Góðar starvsfelagar.

·         Eitt mennandi námsfrøðiligt umhvørvi fyri bæði børn og starvsfólk.

·         Vit kunnu bjóða tær eitt starv, í tryggum og góðum arbeiðsumstøðum og gera vit okkara til, at øll trívast í tí dagliga.

·         Sum avloysari fyri dagrøktara hevur tú tætt samstarv við foreldur, leiðslu og námsfrøðiligu ráðgevingina hjá Tvøroyrar Kommunu.




 

 

Løn- og setanartreytir:
Setanarøkið er Tvøroyrar Kommuna. Tann, ið sett/settur verður, eigur at tola broytingar starvinum viðvíkjandi.
Starvið er lønt sambært sáttmála millum Føroya Arbeiðarafelag og Kommunala Arbeiðsgevarafelagið

 

Umsóknin sum avloysari, saman við møguligum prógvum og viðmælum, umframt revsuváttan, skal vera okkum í hendi í seinasta lagi 27.mai kl 12.00

 

Meiri fæst at vita um starvið við at venda sær til leiðaran Marit Poulsdóttir á tlf: 281339 / 611087

 


Umsóknin skal sendast via post ella teldupost til:

 

Tvøroyrar Kommunu

Dagrøktarskipanin

Tvørávegur 37

800 Tvøroyri

Stílað Marit Poulsdóttir, dagrøktarleiðara

Ella við telduposti til marit@tvoroyri.fo

 

 

 

 

 




Umsitingin, Tvørávegur 37, Postboks 80, 800 Tvøroyri - Tlf. 611085 - tvoroyri@tvoroyri.fo