UMSITINGIN
Tú ert her: UMSITINGIN << - GREINAR
Tvørávegur 37
Postboks 80
800 Tvøroyri
Tlf. 611085
tvoroyri@tvoroyri.fo
11-12-2013

Skjalasavn undir stovnan á Tvøroyri


Tvøroyrar býráð samtykti á býráðsfundi 10.12.2013 at fara undir at stovna Tvøroyrar Skjalasavn.  150.000 kr eru játtaðar at byrja hetta arbeiðið í 2014.

Ætlanin er, at savna øll skjøl o.t. Tvøroyrar kommunu viðvíkjandi og at goyma tey í kommununi.  Her uppi í skjøl, uppskriftir, dagbøkur, myndir, filmar, ljóðbond og sjónbond og aðrar upptøkur o. s. fr.

Endamálið er, at tryggja, at tilfarið, ið er um fólk og virksemi í Tvøroyrar kommunu, verður varðveitt trygt í kommununi. Har aftur at tryggja, at tilfarið er atkomiligt til skúlaarbeiði og gransking, til framsýningar fyri borgarum og til ferðavinnuendamál.

Samskifti hevur verið við fólk, ið eiga søvn við skjølum um fólk og virksemi í Tvøroyrar kommunu. Øll tykjast at vera á einum máli um, at hesi skjøl eiga at verða varðveitt her á plássinum. 

Savnað verða øll skjøl um 1000 ára gomlu bygdirnar Froðba, Trongisvág og Øravík. Har aftur at koma skjølini um nýggju bygdina Tvøroyri. Hetta er heilt serlig menning.  Handilshús vórðu bygd í óbygdan haga, síðan vaks bygdin uttanum m.a. við tí sermerkta Valinum. Eftir bara fáum árum vaks staðurin til at gerast millum teir størstu í Føroyum.  Henda serliga menning er væl prógvað í skjølum. 

Býráðið er av teirri sannføring, at tað hevur skyldu at taka stig til at varðveita tilfarið til søguna, hvussu búplássið hevur ment seg frá elstu tíðum. Og at fólk og stovnar her á staðnum, vilja hava røttu kenslur og virðing fyri lokalu skjølunum og ganga høgt upp í at varðveita tey.

 Mynd: Flogfarið hjá Charles Lindbergh á Tvøroyri í 1933



Umsitingin, Tvørávegur 37, Postboks 80, 800 Tvøroyri - Tlf. 611085 - tvoroyri@tvoroyri.fo