UMSITINGIN
Tú ert her: UMSITINGIN << - GREINAR
Tvørávegur 37
Postboks 80
800 Tvøroyri
Tlf. 611085
tvoroyri@tvoroyri.fo
11-08-2020

Øll starvsfólk skulu testast fyri korona

Nú korona aftur er staðfest í Føroyum, er neyðugt at seta øll tiltøk í verk til tess at fyribyrgja og minka um vandan fyri útbreiðslu av koronasmittu. Og við tað, at starvsfólk hjá Tvøroyrar kommuna røkja týðandi størv og uppgávur, er tað alneyðugt at tryggja, at tænastuveitingarnar til borgarar ikki verður darva av korona.

Tí er avgjørt at heitta á øll starvsfólk, sum starvast hjá Tvøroyrar kommunu um at lata seg kanna fyri korona í inniverandi viku –í seinasta lagið tórsdagin 13. aug.-, soleiðis at greitt er komandi mánadag hvussu støðan er.

Støðan broytist skjótt, og tí er tað av stórum týdningi, at øll fylgja støðuni tætt og eftirmeta so hvørt støðan broytist. Heitt verður á øll starvsfólk um at fylgja við á heimasíðuni hjá Tvøroyrar kommunu og á sosialu miðlunum hjá kommununi, har øll kunning verður løgd so hvørt sum støðan broytist.

Samstundis verður enn einaferð heitt á øll um at fylgja tilmælinum frá heilsumyndugleikum við m.a. handreinføri og halda frástøðu.

Kristin Michelsen

Borgarstjóri
 
 
 
 



Umsitingin, Tvørávegur 37, Postboks 80, 800 Tvøroyri - Tlf. 611085 - tvoroyri@tvoroyri.fo