UMSITINGIN
Tú ert her: UMSITINGIN << - GREINAR
Tvørávegur 37
Postboks 80
800 Tvøroyri
Tlf. 611085
tvoroyri@tvoroyri.fo
01-10-2020

Vitjið Matkovan á Heystmarknaðinum

Enn eitt forvitnisligt stað at vitja á Heystmarknaðinum á Tvøroyri, er Matkovin. Matkovin varð sett á stovn 18. juni 2019, altjóða dagur ST, og hevur bústað á Tvøroyri. Sunniva Gudmundsdóttir Mortensen eigur og rekur Matkovan. Matkovin varpar ljós á føroysku matframleiðararnir og tær nærvørur, ið eru til keyps kring landið. Sunniva verður sjálv til staðar á Heystmarknaðinum og hevur ymiskt kunningartilfar við.

Á frálíku heimasíðuni hjá Matkovanum, www.matkovin.fo, ber til at lesa meiri um fyritøkuna, eins og nógvar, sera góðar myndir eru at síggja. Matkovin er eisini at finna á Facebook, sí https://www.facebook.com/Matkovin, og á Instagram, sí https://www.instagram.com/matkovin/.

Um Matkovan verður soleiðis greitt frá: “Matkovin.fo er heimasíðuverkætlan, hvørs endamál er at stimbra føroyska matframleiðslu og -mentan. Á matkovin.fo finnur tú kunning um føroyska matframleiðaran og nærvøruna.

Á forsíðuni er ein leitil, ið hjálpir tær at finna føroysku nærvørurnar. Tú kanst skrivað leitiorð í leitikassan ella trýsta á knøttin “víðka leiting” og velja øki ella vørubólk. Leitilin vísir hvør selur vøruna, og hvar framleiðarin er staddur. Um tú skrivar egg, sært tú øll tey, ið selja egg. Skrivar tú Streymoy, sært tú øll, ið selja sínar vørur í Streymoy.

Bæði fulltíðar- og ítrivsframleiðarar eru á heimasíðuni, og teir hava hvør sín vanga. Á vanganum kanst tú lesa um søguna og virksemi hjá framleiðaranum, og tú fær telefonnummar og teldupostbúðstað, so at tú lættliga kanst seta teg í samband við framleiðaran. Umframt at gera framleiðaran meira sjónligan, ynskja vit at staðseta vørurnar í ein sosialan og landafrøðiligan kontekst. Vit skulu kenna føroysku framleiðararnir.

Tað hevur stóran týdning, at keyparin skilur støðuna og korini hjá framleiðaranum. Tí fer Matkovin eisini at kunna um evni og viðurskifti, ið eru viðkomandi, til dømis góðkenningar, prísáseting, vistfrøði, vørumenning og árstíðirnar.”

(Myndir: Matkovin.fo)

 
 
 

 




Umsitingin, Tvørávegur 37, Postboks 80, 800 Tvøroyri - Tlf. 611085 - tvoroyri@tvoroyri.fo