Løgtingið hevur við aðru viðgerð samtykt uppskotið um at geva P/F Suðuroyartunlinum heimild at fara undir fyrireikingarnar til Suðuroyartunnilin. Hetta merkir, at tunnilsverkætlanin nú er komin so nær at verða veruleiki, at tað endiliga sýnist vera bjørt vón fyri Suðuroynna og suðuroyingar. Við hesi avgerð hevur Løgtingið tendrað eitt bjart og treytaleyst ljós fyri framtíðina hjá Suðuroynni. Fólk og vinnulív í Suðuroynni hava í áratíggju longst eftir veruligari trygd, sambandi og framtíðar vónum ájavn okkara oyggjagrannar fyri norðan – og í dag varð eitt risastig tikið á leiðini móti hesum. Væntandi verður triða og og endalig við gerð av uppskotinum samtykt um tvær vikur, og kann tá tunnilsfelagið byrja uppá at projektera Suðuroyartunnilin.

1 mai 2025 gerst Tvøroyrar Kommuna eigari av allari ognini á Sjógøtu 2-4. Eisini er langtíðarsáttmáli undirskrivaður millum Tvøroyrar kommuna og Føroya Banki um, at bankin leigar verandi avgreiðsluhølir á veghæddini, umframt partar av 1. hæddini, samsvarandi leigusáttmála og tørvin hjá bankanum. Tvøroyrar kommuna kemur í næstum at dagføra bygningin, til tørvin hjá Føroya Banka og til tørvin hjá kommununi í samráð við BRIM Arkitektar.

Tvøroyrar kommuna hevur sett upp eitt nýtt bussskýli í Trongisvági, sum er framleitt av einum lokalum veitara.

Mentanarnevndin hevði farna mánadag vitjan av næmingaráðnum í Tvøroyrar skúla.

Umhvørvismálaráðið staðfestir avgerðina hjá Umhvørvisstovuni hin 25. november 2024 um at geva umhvørvisgóðkenning við til lýsing av virkseminum og teimum treytum, sum settar eru í góðkenningini. Umhvørvismálaráðið metir ikki, at tekniligu og sakkønnu metingarnar hjá Umhvørvisstovuni geva høvi til iva mál. Sum málið er lýst, er grundarlag ikki fyri at seta metingarnar hjá Umhvørvisstovuni til viks.

Rakul Mikkjalsdóttir havt tær fyrstu viðtalurnar í barna- og ungdómstannrøktini hjá Tvøroyrar kommunu. Rakul er serútbúgvin sertannlækni í ortodonti (boylatannlækni), og fer framyvir at taka sær av serviðgerðum innan tannrøkt hjá børnum og ungum í kommununi.