Tvøroyrar kommuna hevur avgjørt at keypa bygningin hjá Føroya Banka á Tvøroyri, sum liggur á Sjógøtu 2. Eitt samt býráð hevur samtykt uppskotið frá borgarstjóranum og umsitingini, ið hava samrátt við leiðsluna hjá bankanum um ein keypssáttmála og eina leiguavtalu.

Sambært avtalu millum partarnar, fer Føroya Banki framhaldandi at leiga hølini í 1. hædd, har bankin higartil hevur havt sína dagligu avgreiðslu.

Tvøroyrar kommuna eigur sostatt nú allan býgningin á Sjógøtu 2, og  kemur komunan í næstum at dagføra bygningin soleiðis at hesin kann gagnnýtast enn meira. Ætlanin er, at bygningurin skal hýsa umsiting, móttøku, kunningarsstovu, almet bókasavn og onnur kommunal virki.

Umsitingin hjá kommununi hevur í hesari tilgongdini samskift við arkitek, ið hevur gjørt eina heildarætlan fyri allan bygningin og kringøkið nærhendis. Kommuna kemur at arbeiða víðari við hesum uppskotum í komandi tíðum.

Hetta er alt liður í ætlanini um at savna fleiri kommunalar tænastur og gera tær meira atkomuligar fyri borgarar og vitjandi. 

Við hesum keypinum styrkir Tvøroyrar kommuna sítt áhaldandi arbeiði við at menna miðbýin og skapa góðar karmar fyri bæði almenna og privata virksemið í býnum.