Við heimild í § 6 í løgtingslóg nr. 13 frá 21. mai 1954 um býarskipanir og byggisamtyktir, sum seinast broytt við løgtingslóg nr. 82 frá 2. mai 2025, verður hervið kunngjørt:

Framløga av uppskoti
Tvøroyrar Býráð hevur tann 26. februar 2026 samtykt at leggja fram uppskot til broyting í ásetingunum í byggisamtyktini fyri fylgjandi øki:

• § 33: Øki G – Neystaøki
• § 37: Øki L – Øki til frítíðarhús, húsvognar og tjalding

Innihald av broytingini
Uppskotið fevnir um broytingar og dagføringar í galdandi ásetingum, m.a.:

• broyttar og útbygdar ásetingar fyri neystaøkið, herundir nýtslu, hædd og teknisk viðurskifti
• nágreinaðar ásetingar fyri frítíðarhúsaøki, undirøki og kampingøki, herundir krøv til heildarætlan og nýtslu

Almenn framløga
Uppskotið liggur frammi til alment eftirlit í minsta lagi 3 vikur, til og við tórsdagin 30. apríl 2026, á hesum støðum:

• á heimasíðuni hjá Tvøroyrar kommunu: www.tvk.fo
• á Býráðsskrivstovuni, Tvørávegur 37, 800 Tvøroyri (frá 7. apríl 2026)

Mótmæli og broytingaruppskot
Mótmæli og broytingaruppskot skulu vera Tvøroyrar kommunu í hendi í seinasta lagi 6 vikur frá kunngerðardegnum, t.e. ónsdagin 13. mai 2026, og skulu sendast til:

• teldupost: tvoroyri@tvoroyri.fo
• ella skrivliga til: Tvøroyrar kommuna, Tvørávegur 37, 800 Tvøroyri
  

Fylgiskjøl: