English

TÍÐINDI

Útboðstilfar "Reingerðartænasta til eldri borgarar (67+) í Tvøroyrar kommunu"

Útboðstilfar "Reingerðartænasta til eldri borgarar (67+) í Tvøroyrar kommunu"

5. februar 2026

1. Endamál 

Tvøroyrar kommuna bjóðar hervið út reingerðartænastu (viðlíkahaldsreingerð) til eldri borgarar (67+) í egnum heimi. Endamálið er at fáa eitt ella fleiri reingerðarfeløg at veita tænastuna sambært treytum, dygdarkrøvum og skipanum hjá TvK. 

2. Uppgávan – hvat veitarin skal veita 

Talan er um  viðlíkahaldsreingerð. Veitarin skal, sambært arbeiðsboðum/játtan fyri hvønn borgara, ið fær tilboð um ískoytið til reingerðartænastu sum meginregla útinna: 

  • Støvsúgving (dustsúgving) av gólvum í teimum rúmum, ið eru umfatað av avtaluni 

  • Vask av gólvum (har tað er ásett) 

  • Vask/reinsan av vesi og baðirúmi  (t.d. wc, vask, spegil og gólv) 

  • Løtt reingerð av sjónligum flatum í nevndu rúmum (t.d. vask/borðplátur), um hetta er ásett í arbeiðsboðnum 

Avmarking (dømi): 

  • Reingerð fevnir um uppihaldsrúm/brúksrúm og í mesta lagi  5 rúm pr. vitjan  (t.d. gongd, køkur, stova, kamar og bað/vesi). 
    TvK/brúkarin ásetir í arbeiðsboðnum, hvørji rúm eru við. 

Arbeiðsháttur (viðlíkahald): 

  • Arbeiðið verður gjørt í rúmum, sum frammanundan eru “rímiliga” klár til reingerð. 

  • Veitarin skal ikki rudda “nógv/stórt” órudd, flyta tungt innbúgv ella fremja  høvuðsreingerð. 

3. Hvat er ikki partur av uppgávuni 

Hendan tænastan fevnir vanliga  ikki  um: (tó kann seravtala fyrikoma) 

  • Høvuðsreingerð/djúpreinsan 

  • Rudding/skipan av óruddi, goymslur, kjallarar/ovastaloft, úthús o.l. 

  • Flyting av stórum/tungum innbúgvi 

  • Vindeygu (innan/uttan), gardinur, veggir/loft 

  • Reingerð inni í skápum, køliskápi, ovni, emhettu o.l. 

  • Vask av klæðum, strúking, seingjarklæði 

  • Uppvask, innkeyp, burturkast og aðrar tænastur, ið ikki eru reingerð 

  • Reingerð og upptøka eftir húsdjórum 

Óhóskandi umstøður: 

Um heimið er í slíkum standi, at arbeiðið ikki kann gerast trygt og rímiligt (t.d. ótryggar umstøður, nógv órudd, vandamikil hygienisk viðurskifti, húsdjór), skal veitarin boða TvK frá og arbeiðið kann útsetast, inntil umstøðurnar eru í lagi. 

4. Tíð og títtleiki (grunnskipan hjá TvK) 

TvK veitir ískoyti til reingerð til borgarar 67+,  á javnt við í mesta lagi tveir arbeiðstímar pr. vitjan, og at ískoytið til reingerð verður veitt triðju hvørja viku.  Endalig tíð, títtleiki og innihald verður ásett í arbeiðsboðnum hjá TvK. 

5. Reglur um húsdjór (krøv til veiting) 

  • Húsdjór skulu verða  avbyrgd/trygt hildin burtur  frá arbeiðsøkinum, um tað er neyðugt fyri trygd og arbeiðsfrið. 

  • Veitarin kann steðga/útseta arbeiðið, um húsdjór skapa ótryggar umstøður. 

  • Tænastan fevnir ikki um reingerð eftir húsdjórum, um ikki serliga avtalað fyriliggur. 

6. Dokumentatión og dygdarkrøv 

Veitari skal arbeiða við einfaldari og greiðari dokumentatión: 

  • Skrásetan pr. vitjan:  dagft, start/stop-tíð, hvør útinnir, og krosslisti yvir arbeiði 

  • Frávik:  um arbeiði ikki kann gerast sambært arbeiðsboðnum, skal frávik skrásetast og boðast TvK 

  • Klagu-handfaring:  veitarin skal hava mannagongd, og – sum dømi – kunna bjóða loysn (t.d. endurreingerð) innan stutta freist 

TvK kann gera eftirlit og biðja um frágreiðing, um tað er mett neyðugt. 

7. Krøv til veitara 

Tilboðsgevari skal sum minst kunna vísa á: 

  • Løgliga støðu (V-tal), fastan kontaktpersón og skráseting av starvsfólkum 

  • Dygdarskipan (arbeiðslýsing og innanhýsis uppfylging) 

  • Ábyrgdartrygging (og, um møguligt, trygging/skipan fyri skaða í sambandi við arbeiðið) 

  • Tagnarskyldu og etiskar reglur hjá starvsfólki 

  • Trygga skipan fyri lyklar/kodir/atgongd v.m 

  • Mannagongd fyri fráboðan um óhapp, skaða og illgruna um óreglulig viðurskifti  

8. Prísur og tilboð – hvat TvK biður um 

Tilboðið skal innihalda: 

  • Prís pr. tíma  og/ella   prís pr. vitjan (t.d. 2 arbeiðstímar).  

  • Brúkarin ber kostnaðin av møguligum útbúnaði, har í vaskievni o.a., sum verða nýtt til reingerð. 

Lýsing av tilboð:  

  • Kapasitet: hvussu nógvar vitjanir pr. viku/mánað, og hvussu eykadekningur (sjúka o.t.) er skipaður. 

  • Stutt lýsing av arbeiðshátti: krosslisti, logg, frávik og klagugongd 

  • Tryggingardokumentatión og kontaktupplýsingar  

  • Hvussu fakturering verður framd (einfalt og gjøgnumskygt) 

9. Val av veitara og sáttmálaskeið 

Grundarlag fyri at velja veitara (heildarmeting): 
TvK fer at meta tilboð út frá m.a.: 

  • prís og gjøgnumskygni 

  • kapasitet og stabilitet (tíðaravtalur/varadekning) 

  • dygdarskipan (krosslisti, loggur, frávik/klagur) 

  • trygd (lyklar/atgongd, trygging, mannagongdir) 

Sáttmálatíð (dømi): 

  • Sáttmáli: 12 mánaðir frá byrjan 

  • Møgulig leinging av avtalu: 1+1 ár (eftir avtalu) 

  • Uppsøgn: 3 mánaðir til mánaðarskifti (við møguleika fyri skjótari uppsøgn við grovum broti) 

Fyrivarni: 
TvK er frítt stillað at velja eitt ella fleiri tilboð, samráðast við tilboðsgevarar – og kann eisini velja  ongan veitara, um TvK metir at treytir ella tørvur ikki eru nøktandi. 

10. Innlating av tilboði (praktisk viðurskiftir) 

Tíðarætlan og innlating: 

  • Spurningar til útboð: 13. Feb. 2026 - tlf. 611085 

  • Freist at lata inn tilboð: 20. Feb. 2026 (Hjá teimum sum bjóða seg til at veita reingerðartænastuna) 

  • Væntað avgerð: 27. Feb. 2026 

  • Væntað byrjan: 2. Mars. 2026 

Eldri borgarar við bústaði í Tvøroyrar kommunu, sum ynskja ískoytið til reingerðarhjálp, eru vælkomin at søkja >>>her

Meira fæst at vita á tlf. 611085, ella umvegis teldupost: tvoroyri@tvoroyri.fo -(Vinarligast merk teldupostin:“Reingerðarhjálp” 

11. Hagtøl (eldri borgara í Tvøroyrar kommunu)

Samb. Hagstovuni vóru tað 363 “67+ borgarar” í Tvøroyrar kommunu pr. sep. 2025 

Et billede, der indeholder tekst, skærmbillede, Font/skrifttype, Kurve AI-genereret indhold kan være ukorrekt. 

 

 

Aftur