TÍÐINDI
- Plantasjan 100 ár: Røðan hjá Jóhann Mortensen 1. januar 1
Gongd í haga
Fylgjandi er galdandi fyri gongd í haga:
Íbúgvar landsins:
Kapitel 5. Færdsel paa Andenmands Grund.
§ 41. 3) Den, som, uden at dertil er Hjemmel, gaar uden for ret Bygdevej i Hauge, hvor han ikke er Lodsejer, eller i Fælleshauge, for hvilken Vedtægt om Lodsejernes Færdsel er oprettet paa Haugestævne under Sysselmandens Ledelse (jfr. Haugelovens § 3), straffes med Bøder; gaar han ulovlig med Hund, betragtes dette som en skærpende Omstændighed. Ásetingin í 1. pkt., 1. liði, er ikki galdandi fyri íbúgvar landsins, sum tí hava frítt at fara undir ábyrgd.
Ferðafólk:
Fólk, sum hvørki hevur bústað ella fulla skattskyldu í Føroyum, og sum í sambandi við frítíð ella vinnu er burturi frá heimstaði sínum fyribils og í meira enn 24 tímar.
Løgtingslóg nr. 66 frá 30. mai 2024 um burðardygga ferðavinnu
Rætturin at ferðast til gongu
§ 3. Við teimum avmarkingum og skyldum, sum eru ásettar í ferðavinnuætlanum sbrt. § 6 í hesi løgtingslóg, í reglum, givnar við heimild í hesi løgtingslóg, í øðrum løgtingslógum og lógum, kunnu ferðafólk ferðast til gongu undir egnari ábyrgd á bygdagøtum, á útvaldum hagagøtum og fram við strondini.
Soleiðis vísur tú fuglunum ans, tá tú gongur í haga
- Legg tær fyrst og fremst hetta í geyma: Har er ongin orsøk til at óttast um tó kemur at órógva ein fugl í haganum. Hav bert eyga við fuglinum, ansa eftir at tú ikki traðkar í reiðrið og gang róliga áfram.
- Hav altíð hund í bandi. Hundur finnur lættliga egg og ungar og kann gera av við tey. Hann órógvar eisini fugl í nógv størri mun enn fólk ger, og tí mást tú helst ikki taka hund við til fuglarík støð.
- Um fuglur stillar seg ella flýgur nær við teg og letur, so er hann órógvaður av tær og roynir at jagstra teg burtur. Gang víðari, inntil hann ikki longur gevur tær gætur.
- Royn ikki at fanga vaðfugl, másafugl ella kjógva, sum tykist skaddur. Hann lemur seg fyri at lokka teg burtur frá reiðrinum. Gang víðari, inntil hann fer aftur á reiðri ella ikki sær teg.
- Summir fuglar, sum t.d. tjøldur og spógvar, eru sera mælskir og flákrutir, tá tú nærkast reiður teirra. Hetta kann lokka ránsfugl so sum másar og krákur til. Royn tí at ganga víðari, inntil fuglarnir hava sissað seg aftur.
- Leita ikki eftir reiðrum. Um tú kemur fram á eitt reiður, gang burturfrá og lat fuglin sleppa á at bøla.
- Frá umleið 1. mai og fram til miðjan august hevur heiðafuglur egg og ungar at verja. Vinaliga gáa um hetta, tá tú gongur í haga.
- Gang bert á gøtum og ásettum leiðum, tá tað ber til, og um tað er neyðugt at steðga eitt bil, so royn at tryggja tær, at tú ikki órógvar reiðrandi fugl.