Tvøroyrar býráð hevur 29. januar 2026 samtykt nýggja vegleiðing um arbeiði, sum kunnu gerast uttan byggiloyvi.  Talan er um líknandi samtykt sum hjá øðrum kommununum í Føroyum.

Borgarstjórarnir í Suðuroynni hava, á felags fundi á Tvøroyri í dag, avtalað, at skipa fyri borgarafundi í SALT um Suðuroyartunnilin. Fundurin verður mánadagin 16. februar 2026 kl. 20:00.

Skráin

Tvøroyrar kommuna hevur sett Teitur Rubæk Rasmussen í starv sum nýggjan fíggjarleiðara. Teitur tekur við starvinum 1. januar 2026 og avloysir Amy Bech, sum hevur gjørt av at gevast fyri aldur.

Fíggjarætlanin fyri 2026 staðfestir, at serliga verður hugsað um barnafamiljur og trivnaðin hjá børnum og ungum í Tvøroyrar kommunu. Skattaprosentið verður óbroytt á 20,9 %, meðan barnafrádrátturin hækkar upp í 10.000 kr. pr. barn. Matartilboðið til børn í ansing heldur fram, og avsláttarskipanin fyri gjøld í frítíðarskúla og forskúla verður varðveitt. Somuleiðis verður framhaldandi einans goldið fyri 11 mánaðir um árið fyri ansing, og øll børn og ung upp til 18 ár fáa frítíðarkort/virðiskort á 2.000 kr. til ítróttar- og frítíðarvirksemi. Sum heild merkir fíggjarætlanin fyri 2026, at bæði rakstur og íløgur í vælferðina verður styrkt og raðfest munandi – til frama fyri bæði borgarar og vinnu. Hetta er serliga týðiligt innan barna- og ungdóms økini, eitt nú frítíðarvirksemið fyri børn, ung og vaksin samt til barnaansing- og skúlaverk. Men kommunan avsetur eisini játtan til at fremja íløgur í Tvøroyrar havn, miðbý, varandi orkuloysnir og infrakervi sum heild.