Týskvøldið 10. Februar kl 19:00 verður lýst til fundar í Býráðssalinum á Tvørávegi 37. Evnið á fundinum er jóansøkan á Tvøroyri komandi summar.
Tað styttist til hesa, okkara oyggjarhátið og umráðandi er at fáa teir seinastu snøklarnar á pláss, so farast kann undir veruliga fyrireikingararbeiðið. Strembað verður altíð fram móti at gera eina enn betur stevnu enn seinast og er tað okkara vón, at vit saman kunnu finna leistin, ið kann lyfta jóansøkuna enn meira, enn hon varð seinast.
Um tú hevur áhuga at luttaka í stevnuni sum felag, vinnurekandi ella annað, so ert tú hjartaliga vælkomin at luttaka á fundinum. Við á fundinum verða Póla Strøm frá Kunningarstovuni, Bjarni Nygaard og Anita Vibergsdóttir, vegna Tvøroyrar Kommunu. Vit hoyra fegin um tykkara ætlanir til jóansøkuna og fara at gera okkara fyri at hjálpa til í fyrireikingunum.
Jóansøkan 2015 verður á Tvøroyri í døgunum 26. Til 28. Juni
Mynd: Eileen Sandá