Søkt verður eftir námsfrøðingum til vøggustovu, barnagarð og frítíðarskúla, 20, 30 ella 40 tímar um vikuna og at byrja 3. august 2026 ella eftir nærri avtalu. Lesandi ið verða liðug við lesnað, summar 2026, eru vælkomin at søkja.

Vil tú vera við til at menna og menta børn á Tvøroyri ert tú vælkomin við í eitt vælvirkandi toymi, ið er nýhugsandi og kreativt. Starvsfólkabólkurin er samansettur við námsfrøðingum námsfrøðihjálparum og hjálparfólkum, ið arbeiða væl saman. Dentur verður lagdur á at skapa ein tryggan, mennandi og innihaldsríkaðan gerandisdag, við virðing og umsorgan fyri einstaka barninum og við støði í barnsins áhuga, undran og forvitni.

Stovnslýsing:
Barnagarðurin Mýrifípan er ein stórur stovnur, har 40 starvsfólk hava sína dagligu gongd. Stovnurin fevnir um vøggustovur, barnagarðsstovur og frítíðarskúlar. 

Í Tvøroyrar Kommunu eru tveir frítíðarskúlar; ein til børnini í forskúlanum og ein til børnini í 1. og 2. flokki.

Mýrifípan og frítíðarskúlanir liggja í eini náttúruperlu í Trongisvági. Skúli, ítróttarhøll og fótbóltsvøllurin við Stórá eru beint við. Vit bjóða eitt áhugavert og mennandi arbeiðspláss, har tað er pláss fyri ymisleika, og har námsfrøðin støðugt er í menning. Uppgávuna lyfta vit øll í felag. Vit arbeiða út frá eini námsætlan, einum virðisgrundarlagið og mannagongdum, ið eru partar av stovninum.

Vit vanta at tú: 

• leggur dent á virðisorðini tryggleiki, samstarv og fakligur førleiki, sum stovnurin hevur valt skulu hava størsta týdning í arbeiðinum við børnum.
• brúkar tína námsfrøðiligu vitan í dagliga arbeiðinum.
• kanst geva børnunum ein tryggan, mennandi og innihaldsríkaðan gerandisdag.
• hevur hug og áræði at skapa og seta dám á virksemið á stovninum.
• dugir at síggja tørvin hjá tí einstaka barninum.
• kanst arbeiða sjálvstøðugt og tekur ábyrgd.
• hevur góð samstarvsevnir við foreldur, starvsfólk og aðrar fakbólkar.
• vísir virðing fyri børnum, foreldrum og starvsfeløgum og virðir teirra ymisleika.
• sær avbjóðingar fram um forðingar og er hugaður fyri broytingum.
• hevur visiónir fyri námsfrøðiliga arbeiðinum og hevur hug og áræði at skapa og seta dám á virksemið á stovninum.

Setanarviðurskifti:
Lønin er smb. sáttmála millum Føroya Pedagogfelag og Kommunala Arbeiðsgevarafelagið.

Meira fæst at vita:
Meiri fæst at vita um størvini, við at venda sær til leiðaran, Kari Joensen, á tlf. 218737 ella Barbaru Tausen varaleiðara á tlf.781162.

Umsókn: 
Umsóknir, saman við prógvi og møguligum viðmælum, skulu vera okkum í hendi, í seinasta lagi týsdagin 2. juni 2026 kl.12.00.

Sambært §2 í barnaváttanarlógini hevur Tvøroyrar Kommuna skyldu til at fáa barnaváttan til vega áðrenn umsøkjari verður settur í starv. Um námsfrøðingur ikki søkir starvið, kann hjálparfólk vera sett í tíðaravmarkað starv.

SØK STARVIÐ >>> HER