Fíggjarætlanin 2020 fyri Tvøroyrar Kommunu
Tvøroyrar býráð samtykti á fundi tann 19. November 2019 fíggjarætlanina fyri 2020, sum javnvigar við 104 mió. kr.
Skattaprosentið í Tvøroyrar Kommunu verður tað sama sum í 2019 - 20.90%. Barnafrádrátturin verður tann sami sum í 2019 - kr. 7.000,- fyri hvørt barnið.
Inntøkur av persónskatti komandi ár eru mettar til 59,57 mió. kr. og inntøkur av partafelagsskatti 2,0 mió. kr., íalt 61,57 mió. kr.
Inntøkurnar samanlagt hjá Tvøroyrar kommunu komandi ár eru mettur til 82,12 mió. kr. íroknað afturbering til eldraøkið ímeðan rakstrarútreiðslurnar eru mettar til 80.22 mió. kr. Avlopið í rakstrinum er sostatt 1,9 mió. kr.
Tvøroyrar býráð hevur í fíggjarætlanini fyri 2020 sett 23,776 mió. av til íløgur í kommununi. Hesar íløgur verða í høvuðsheitum býttar soleiðis á økini:
§ 1 Fyrisiting: kr. 650.000,-
§ 3 Børn og ung: kr. 3.516.000,-
§ 4 Undirvísing: kr. 2.830.000,-
§ 5 Mentan og frítíð: kr. 1.400.000,-
§ 6 Teknisk mál: kr. 11.250.000,-
§ 7 Kommunal virki: kr.4.130.000,-
Íløgurnar verða fíggjaðar við yvirskotinum av rakstrinum umframt lántøku á kr. 17,5 mió og tøkum gjaldføri á kr. 10,6 mió.
Tvøroyrar býráð hevur í fíggjarætlanini fyri 2020 sett kr. 3,38 mió. av til avdráttir av láni og kr. 368.000,- av til rentur av lániskuld. Við árslok 2020 verður skuldin svarandi til 0,87 í álíkning.
Tvøroyri, hin 19.11.2019
Umsitingin, Tvørávegur 37, Postboks 80, 800 Tvøroyri - Tlf. 611085 - tvoroyri@tvoroyri.fo